Acara Ibadah Pesta Bona Taon Punguan Pomparan siraja Lumban Gaol, Boru,Bere, Ibebere Pekanbaru sekitarnya tahun 2023

 

                                                                                                                               

Tema:

HENDAKLAH KAMU SEHATI SEPIKIR, DALAM SATU KASIH, SATU JIWA, SATU TUJUAN (FILIPI 2: 1-5) 

Sub Thema :

Marhite Pesta Bona Taon 2023 on, Lam tu Sada na ma Parsaoranta di bagasan holong Nasian Debata.

 I. Persiapan Ibadah (Oleh Petugas Ibadah)

 II.  Joujou tu parsaoran na badia                              ( L=Liturgist;  J=Jemaat; )

  L : Punguan na marlas ni roha dibagasan goar ni Tuhan Jesus Kristus, nunga masuk hita tu sada taon na balga na binasabasahon ni Debata tu hita. Tahilala do denggan basa dohot panogunoguon ni Tuhanta ganup ari dohot bulan, boi hita tolhas sahat tu sadarion. Siala ni hupasahat ma selamat marbona taon ma di hita saluhutna punguan pomparan siraja lumban gaol boru,bere,ibebere se pekanbaru sekitarnya.

 J : Selamat marbona taon ma tutu tu hita saluhutna.

 L : Tama do hita mandok mauliate tu adopan ni Debata, na pasahathon tu hita angka pasu-pasu na marragam i. marlasroha ma hita mamuji Ibana, jala longang ma rohanta mamilangi angka pambahenanNa na godang di ngolunta. Masuhanta ma pamujionta na badia tu Ibana, Tapuji ma Tuhan ta, marhite ende sian buku ende no. 569: 1+ 3 “O Debata tung Longang do rohangku”.

 L+ J : Mangendehon  BE.569 : 1 + 3 : O Debata tung longang do rohangku

O Debata tung longang do rohangku, Molo hubereng na tinompaMi. Saluhut bintang, hilap dohot ronggur, manghatindanghon hasangaponMi. Marende au Tuhan mamuji Ho, O, Debata, sangap do Ho. Marende au Tuhan mamuji Ho, O, Debata, sangap do Ho.                 -----jemaat berdiri

 Molo huingot balga ni holongMu, Marhite Jesus na tarsilang i. Anak sasadaMi O Debatangku,  dilehon Ho manobus jolma i. Marende au ………

 III.    Ibadah                                                                     

 1. VOTUM  :

 L : Dibagasan goar ni Debata Ama dohot AnakNa Tuhan JesusKristus dohot Tondi Parbadia, na manompa langit dohot tano on. Amen. Mandok mauliate ma hamu tu Jahowa, ai na basa do Ibana, ai ro di salelenglelengna do Asi ni rohaNa i.

 J : Sai urupi ma hami ale Jahowa Debatanami. Sai tumpahi ma ngolu nami hombar tu asi ni rohaM.

 L : Sai halomohon Jahowa, jadi lehononNa ma tu ho pinangido nirohaM. Pasahat ma dalanmu tu Jahowa jala haposi Ibana asaIbana paturehon. 

 J : Taoloi ma Jahowa marhitehite las ni roha, ro be ma hita tu joloNa marhitehite olopolop.

 L : Taboto ma: Jahowa do Debata; Ibana do na jumadihon hita, jalaIbana nampuna hita, bahen bangsoNa dohot birubiruNa.

 J : Tapuji ma Jahowa, ai Pardenggan basa do Ibana; taendehon magoarNa, ai hasudungan ni rohanta do Ibana.

 L : Martua ma ganup na manghabiari Jahowa, na marparange diangka dalanNa i. Sai panganonta do na niula ni tanganta, martuama hita jala sonang. Martangiang ma hita : Ale Tuhan Debata mauliate ma di asi ni rohaM,  huboto hami do, ndada ala ni gogo dohot habisuhon nami sambing umbahen na tarbahen hami tolhas jala marpungi di tingki on; tung holan ala asi ni rohaM sambing do. Hupasahat hami ma ngolunami tu Ho mandalani ariari na pinasahatMu tu hami di taon on. Manang dibagasan lasniroha manang arsak ni roha hami, holan Ho sambing ma huhaposihami. Ala ni i, sai lam patogu ma nang haporseaonnami, asa tongtong hami marsigantung tu Ho. Unang mandele hami molo ro pangunjunan tu hami. Hupagomgomhon hami ma nang punguan nami on tu adopanMu na badia i. asa anggiat punguannami on lam tu sadana, lam tu majuna, jala tau mamparbuehon godang angka na denggan tu saluhut ruasna nang na humaliang hami pe. Hupasahat hami ma tangiang nami on tu Ho, marhitehite Tuhan Jesus Kristus na pasadahon hami mandok mauliate tu Ho. Amen.

 

 2. Marende BE No. 443:1–3  “Dung Tuhan Jesus Nampuna Au” 

Dung Tuhan Jesus nampuna au, songgop damena biarhu lao. Taripar gogo ngoluna i, nasa dosangku naung sae do i.  Reff.  Tabaritahon holongNa i, didia Tuhan tudoshon i. Tuk manumpahi tarlobi da, sasada Jesus pinujima.

Di Ho ngolungku, las rohangki, jumolo Jesus siluami. PangiringonMu tolongMu i, mangalo dosa nang rohangki.  Reff.  Tabaritahon ……………

Manghatindanghon Puji-pujian di Pangaramotion Dohot Panarihonon ni Debata ( Psalm.  23 : 1 – 6)

 L :  Jahowa do Siparmahan ahu, ndang tagamon hurangan ahu.

 J : Dipatongon do ahu tu jampalan angka na lomak, ditogutogu do ahu di lambung aek hasonangan.

 L :  Dipasabam do rohangku, ditogu do ahu di dalan hatigoran, ala ni goarna i.

 J : Ai nang pe mardalan ahu di rura linggoman ni hamatean, ndang huhabiari parmaraan, ai Ho do mandongani ahu tungkotmu dohot batahim mangapuli ahu.

 L : Ho do manutup meja di jolongku maradophon angka musungku, dimiahi Ho do ulungku, suksuk do panginumanki.

 J : Tongon tahe denggan basa dohot asi ni roha mangihutihut ahu saleleng ahu mangolu, jala dung mulak ahu masuhanku ma bagas ni Jahowa salelenglelengna. 

L : Ido sahatna martuamaganup na umbege jala mangulahon hata ni Debata.

L+J :  Amin.

 4. Marende B.E. No.188 : 1 – 2 “ Jahowa Siparmahan Au”    

Jahowa Siparmahan au, Ndang hurang manang aha. Ai nasa jea dipadao do sian dorbiaNa.Tongon dibaen na lomak I, lao pangoluhon tondingki, Dibaen asi rohaNa.

Ditogu au tu na tio, aek mata hangoluan, Dibaen do tondingki sio, di dalan hasonangan. Sabam rohangku do tongtong, saleleng au di tano on, Baen sangap di goarNa.

 5. Gabe Parroha Mauliate Ma Hita Tu Debata ( Dijaha Marsoring-soring) 

 L : Mandok mauliate ma hita tu Debata sipangolu I, ala denggan ni basaNa dohot asi ni rohaNa na so halompoan i mangaramoti ngolunta. Mansai balga situtu do holong ni roha ni Tuhan ta mangaramoti hita sian taon naung salpu i sahat tu taon on.

 Ama : Dilehon do las ni roha dohot panghirimon na mangolu tu hita, nang pe marombas-ombas arsak nang las ni roha taadopi di taon naung salpu i. Ndang tarasam hita denggan basa ni Jahowa mangaramoti ngolunta. Alani i, patut tapuji Ibana jala taoloi na nidokNa.

 L : Idama, pangarimpunan ni na denggan naung huida i: Lehet do mangan minum jolma i jala dipasonang rohana mangihutihut sandok ulaonna hian na niulana di hasiangan on saleleng dingoluna. Na nilehon ni Debata tu ibana; ai i do jambarna.

 Ina : Angkup ni i, molo dilehon Debata tu manang ise hamoraon dohot sinamot, diloas ibana mangan dohot mambuat jambarna sian i, huhut marlas ni roha diulaonna, silehon-lehon ni Debata do i. Ai ndang sadia dipaingot-ingot rohana angka ari ni ngoluna,ala naung nialusan ni Debata ibana marhite sian las ni rohana.

 L : Jahowa do silehon tua dohot pasupasu tu hita, Ibana dohatuaonta. Soara ni olopolop dohot hatuaon marsaringar diundung-undung ni angka partigor: Tangan Siamun ni Jahowa do sibahen hamonangan dohot las ni roha di hita. Hamu ale angka namanghabiari Jahowa, marhaposan tu Ibana ma hita! Ibana ma tutu Pangurupi dohot lombu-lombunta dipardalanan ni ngolunta ganup ari.

 Ama : Dingot Jahowa do hita: Ibana ma tutu mamasumasu ngolunta. Ibana do mamasumasu nang sude anggota ni Punguan on, martua ma hita jala sonang.

 L : Ibana mamasumasu angka na manghabiari Jahowa, angka nametmet dohot angka na magodang. Sai tambaan ni Jahowado pasupasuNa tu hita dohot tu pinomparta sogot.

 Ina : Martua ma ganup na manghabiari Jahowa, na lomo roha situtu diangka patikNa! Sangap ma pinomparna i sogot di tano on, dapotan pasupasu ma sundut ni angka partigor sogot.

 Sude : Hamoraon marlobilobi dibagasan jabuna, jala hot do hatigorannai ro di salelenglelengna. Idama, sai songon i do tongon dapotan pasupasu ganup jolma na manghabiari Jahowa. Amen.

 

 6. Bernyanyi Kidung Pujian : Kusiapkan Hatiku Tuhan

Ku siapkan hatiku Tuhan, tuk dengar Firman-Mu, Saat ini.

 Ku sujud menyembah-Mu Tuhan, Masuk ke hadirat-Mu, Saat ini.

 Curahkan urapan-Mu Tuhan Bagi jemaat-Mu, Saat ini

 Ku siapkan hatiku Tuhan, tuk dengar Firman-Mu.

         Reff: Firman-Mu Tuhan tiada berubah, Dahulu sekarang selama lamanya 

 tiada berubah. Firman-Mu Tuhan Penolong hidupku, Ku siapkan        hatiku Tuhan,  tuk dengar FirmanMu.

Huparade diringkon,Tuhan, tumangihon HataMi, di tingki on. 

Hupaunduk rohangkon Tuhan, bongot tu rohami, di tingki on. 

Sai usehon ma pasupasuM, tu sude na pungu on, di tingki on. 

Huparade diringkon, Tuhan, tumangi HataMi. 

                    Reff: HataMi, Tuhan, HataM na manongtong;

                             na jolo nang nuaeng, rodi saleleng na i, ndang maruba i.

                             HataMi, Tuhan, angkup ni ngolungku. 

                             Huparade diringkon, Tuhan, tumangi HataMi.

7.  KHOTBAH  : 

 8. Marende B.E. No. BE.656 : 1 – 2     “Parhahamaranggion”

Parhahamaranggion I, lam  hot jala togu, Singhop ma hasadaon I, di Jesus I burju, Rap sauduran hita be marholong na tutu, Mardame, marlas roha ma di Jesus I tutu.

Togu ma hasadaon I; di ojahanna I, Sada haporseaon I, di Tuhan Jesus i. Ai sada pandidion I, ai sada Ama I, Sada ma hita Kristen I manomba Tuhan i.

9. Doa Syafaat /Tangiang Pangondianon

10.  Marende BE.  754: 1…….. Gok las ni roha do au    (Persembahan)

Gok las ni roha do au di ngolungkon, Di ngolungkon di ngolungkon gok las ni roha. Do au dingolungkon tongtong di rohangkon. Mauliate gok las ni roha maringan holongMi Tuhan di au. Mauliate gok las ni roha, maringan holongMi Tuhan di au.

Adalah sukacita di hatiku, di hatiku, di hatiku Adalah sukacita di hatiku. Dib'rikan Tuhanku, Aku bersyukur, bersukacita, Kasih Tuhan diam di hatiku. Aku bersyukur, bersukacita, Kasih Tuhan diam di hatiku. Aku bersyukur, bersukacita, Kasih Tuhan diam di hatiku.

Gok do holong ni Jesus di ngolungkon, di ngolungkon, Di ngolungkon. Gok do holong ni Jesus di ngolungkon, Tongtong di rohangkon. Mauliate ………

Adalah damai sejahtera di   hatiku, di hatiku, di hatiku Adalah damai sejahtera di  hatiku Dib'rikan Tuhanku. Aku bersyukur, bersukacita, Kasih Tuhan diam di hatiku. Aku bersyukur, bersukacita, Kasih Tuhan diam di hatiku.

Ndang hona uhum be au dingolungkon, dingolungkon, Dingolungkon. Ndang hona uhum be au dingolungkon, Tongtong di rohangkon. Mauliate ………

10. Doa Penutup dan Berkat.

SELAMAT BERIBADAH DAN SELAMAT MARBONA TAON MA DI HUTA SALUHUTNA!